AGAN ME.APA. A

AGAN ME.APAM    

1.  A.ani Sangknirara, Chini Dudanirara.

:Kengni banga.

2.  A.an gitok jangram,Chian bisik sikram.

:Chibisik chiapgitok ba A.gitok. Rama bibra ba cholbibra.

3.  A.anma tike ku.dima,, China dine dingdinga.

: Pilak kamna tike de ba.a.

4.  A.ba bolitchong gita,  Do.ka manggisim gita.

: Mande silgijako sole ba chonnike Aganani. 

5.  A.ba rama wa.tesa ge.a, Chikorama rongsata.

: Bimchipe kam ka.a ba bimchipani.

6.  A.ba rama rongsata, Chikorama chinanga.

: Honge kam ka.a ba bimchipani.

7.  A.bidingko niwate adil Sikata, Matchok grongo Gakate ang.keko tata.

: Kam gri ku.sikchi biba wataigipa.

8.  Achak kore chamanjok, Wal.ja ga.tingdelmanjok.

:Daktimanga ba ka.timanga .

9.  Achakan sing.pilja, Bi.sa desan kenpilja.

: Melidugaa ba rodugaa.

10.  Achak wa.tok krua, Do.bok paga smota.

:  An.tangna an.tangan dukko ra.baa.

11.  Achak nok king gaa, Mite  Tongrengmasia.

:  Kragikako dakani ba ong.ronggija Ong.ani.

12.  Achak chik naka gita ,  Do.bok totnaka gita.

:  Nina sikha ba melija ba ku.mongningja.

13.  A.chi bamchikope, Jaksi  su.chokchoke ba pe.rikope.

:  Karacha.anuko man.a. 

14.  Achak gita miksonge, Rori gita karonge.

:  Jajae rogiparang.

15.  A.chi bamchikope, Jaksi pe.rikope.

: Kracha.aniko   man.a.

16.  A.chi bame,  Jaksi chike.

: Kracha.atako ba dukko man.a.

17.  A.chi matma korekrek , Sakchi do.ma ran.seksek.

: Asel ong.ao mahari gimiksn tom.dake mikchi  ong.ani ba Grapa niniani.

18.  Am.bol ja.bak gate, Merong rongdik done.

:  Me.chikrangni kamna bimchipaniko  aganna. 

19.  Aganato ku.chok reng, Roramna.an ja.rengreng.

:  Mangrorenggipa me.chik ba mande changroako aganna.

20.  Amsep bidepdepana jea, Riking  Natong chotana  gala.

:  Manderangni name nokoba mandeska jakkaljaode maiba  Namgija donga.

21.  A.ko ba.na skangan bolbisade  chajok , Bolringrang dal.na skangan Tantikade pujok.

:  Kam ka.na skangan miksonga  dongsoman.aha.

22.  Achak sing.an gri, Do.gisikan gri.

: Dal.a a.sell ga.aka ba dukko donga.

23.  Achak sing.kamaia, Do.gisikkamaia.

: Matgrikrangni songdongram song.

24.  Achak sing.rakgipana mi ka.sinko one , Bisa grapgipana sokkuteko due.

:  A.sel ong.gnioniko champengsona dakani.

25.  A.choake wata, Bol den.pake wata.

:  A.kim wata ba mande gro chota.

26.  A.dalko so.o, A.brengko kama.

:  Gital sandio  gitcham obostachi sokanga.

27.  Adil Mitugrika. 

: Dolgni namgrikate ba meligrikate dona.

28.  A.ding balwa srian, Sari dimu ra.doan.

: Balsrisri dakgipa biap.

29 Agal kamo wal.chakipa , Sal raka.o Salchakgipa.

: Mad rang mahiriko chelchakgipa.

30.  Agano mitaka , Asongo dongtima.

: Mittino kamrangko agama ba jachaa.

 31.  Aganakon ra.ja. Kokkarengkon olja.

: Katta ra.gijagipa.

32. Agano banga.anga, Doktapo Jelanga.

33. Agananan ka.sara, Miknianan mikchara.

: Pilak daka kamkon  namnikaia.

34.  Aganan aganjok, Mikkang done agankuna.

: Ku.atogija kattako  aganani.

35. Aganan mitaka,Ropa.an Dongtima.

: Mittino kamrangko agana ba jachaa.

36: Aganato ku.chokreng, Roramna.an           ja.rengreng .

: Mangrorenggipa me.chik ba mande     changroako aganna .

37. Aganako ra.ja ,Pinangako olja.

: Katta ra.ja ba skatang daka.

38.  An.chisan gipila , Knisan tusia .

: An.chi absan ba Ba.rima ba Soksan cha.a.

39.  Akkal Do.butoka,Chram Waknachila.

: Kangal ong.a ba okkria ba cha.asia.

40.  A.ko A.gram gala , Noko noksrona.

: Kamna Arata ,  Simsakgija kam ka.a.

41. Am.pokma janggi gnang ,Morama gisik gnang.

: Sokgipana gisik nange daka.

42. Ang'Su.na  Ang ' dena ,janggisilchi naua  kni kasta.

: Plak kamkon dedrangnadaka.

43. Asisina bon.ata,Dingisina chon.ata .

: A.kin cha.e bon.a .

44. Aganpana changpaja, Studapon tang.paja.

: An.tangko onate aganani. 

45. A.gilsakko kisangchi donbo, ku'mongako mikangora'bo .

: Ku'mong nangrime  dakani kam

46.