SONAJING KA.SAAN , GIT

                   SONAJI.                                            

               (Ka-saan' Git) 

                    BAK-I

(lano jakkalgipa bimung mingtinggrik                            giparangko mangsongja)

A.chik 'songni mingsinga                                               Gittim jela sotbonga,.                                    Rona biap an.senga                                                        Aganrikna songdonga.

Rikrak-dandak man.jaoba                                                 Songo cha.a-sipaja,                                  Nokking koripbokjaoba                                                     A.jak re.a dongpaja.

A.bri a.chu simdimdim,                                                    Songni salgro salgipeng,                              Atam pringo ka.sinjrim-                                                  Balnanggipa songan.seng.

Songni ka.ma a.kongchi                                                    Chiring dare sappori,                        Chibimaba nalsachi                                                          Jokangenga ta.srisri.

  Rama daka ta.dingding.                                                   Songni sara jatchiko,                                   Gittim damsa a.biding                                                      A.bri patal kosako.

Nokking sone kepachek,                                                   Pangsu agal am.pangchi -                          Ja.gra done rikachek.                                                        Bolsal kirorarachi.

Songadamni kosakchi                                                     Panterangni nokpante -                                  Jang ki teng a kolatchi.                                                     Rona nama niwate.

Songnok-bari bolgrimgrim                                             Nina mikkim chabea,                                      Sara rona salakkim.                                                        Balsri balsri nambea.

Attam jajong teng.ao.                                                      Jikjak-jikjak roronga-                                Nokpanteni sarao.                                                          Pante sue-goronga.

Sara saatal siridim,                                                           Sara on tinggrikao,                                        Nomil jinma warekdim                                                   Mi-su-ronga attamo.

Song-nap song-gabatgipa                                               Salsa saldongna gitik,                                  Chatchi ang bak sangipa                                                  Songdongepanagitik.

Songde songsarekoba                                                      Sara nokkra chijengjeng,                                Leka-poraitokjaoba                                                        Nama songsul nokripeng.

Leka-pora man paja                                                        Da.ning mande gitchamrang;                Poraitoka indiba                                                             Chasong gital damberang.

Song-nok gittimjelana                                                    Gisik an.saotokbea,                                        Songo bi sa bang ana,                                                      Donjok songni skulkoba.

Ua songni manderang                                                    Gisik wa satokbea,                                           Atchu-ambi gitchamrang                                              A.chik katta man bea.

Songni nokma me apa-                                                   Doro-ring.na changgipa,                                  Katta aganrakgipa                                                            Songtangna gro-jegipa.

Uan Sonajing-ni song                                                       Balsri Gittim minggipa;                              Badiaba A.chik song                                                         Song-nok an-sengbegipa.

Nikgen tol.a gitasa                                                           Saoba nikpakujaode,                           Atchiramtang gitasa                                                       Ka-pak-ka-pak nikode.

     ***   ***     ***    ***     ***     ***     ***

Salni demechik gita Nika Sonajingkode,                     Do.do  do.rimit gita                                     Ching.a da.nang nomilde.

Chame inpana gitik                                       Mikkang sona chijimjim,                                     Niko ja.rikna gitik      .                                         Te.rokbalbal dimrimrim.

Wagam kitma bitchiri,                                                     Wachek-wachek se ending,                          Pekuari boksari                                                                Ku.ba gisok similding.

Ku.chimitenga gita                                                          Ku sim ku sim ku-bibal                              Mandal bibala gita                                                          Ku chilrangba gitchakbal .

Okgil te.mina gita                                                             An.gil ching.a rimitbal                                  Ku.rang gaanti gita                                                     Ka.sirokrok rinokbal.

Nama nanggo nomilde                                                    Nie ropana gitik,                                                Ching.a da.ning bi-sade                                                   Chame inpana gitik

Dingtang daktea gita                                                       Jakma gitcham kamalni,                                      Katta agana gita                                                               A.chik pagitchamrangni.

Manden' mikkang nitoa                                                  Mikchi nikna man gipa-                                         Kam-gisikde indiba                                                        Ramram nikgijagipa.

Tona man.ja indiba                                                           Sonajing-ni gisikko;                                                Mikkang nitoaniba                                                          Sokja gun-ginangako.

Indioba manderang                                                        Uko nikchongmotjaode, - Chanchidugagiparang                                                     Man-ja bebera nade.

Ua apsan chasongo                                                            Chasong mingkinagipa-                                      Songsul gitim damsao                                                      Donga saksa panteba.

Dingram Gitok inesa                                                        Minga ua gitimko,                                                Pante Balseng inesa                                                          Bimung dona panteko.

Dingram Gitok chengoni                                                  Balsri Gittim nalsao,                                          Sonajing-ni songoni                                                          Salpaksani ramao.

Pante bi.samitingo                                                            Balseng roangrongana                                        Songgabate re.pako                                                          Sonajing-ni songona.

Balseng chonengmitingon                                              Pagipara Balseng-ni                                              Siangaha rakengon.                                                         Ga-akenba boloni.

Seni-pani siana.                                                                 Ma-gipara Balseng-ni                                        Gitim songchelachina                                                     Katjok ua songoni.

Danang uandakesa.                                                          Songchelachi katangjok,                            Balseng maang ma-ningsa                                             Nokaptangko watangjok.

Indakesa songchelao                                                        Songdongejok untaltal,                                      U'mang' dongegipako                                                        Minga Boldam Songgital.

Uno dongmitingosa                                                        Pil.sa a.sel ong.taijok,                                    Setangna kalimesa                                                          Balseng ma.ba siangjok

Adigita bilsirang                                                               Salsagita batangjok,                                                Pilak dukni a.selrang                                                      Ong.genoba bon.angjok

Songgipino dongoba                                                          Songtangkode gualja,                                           Gittim an.sengbeoba                                                        Atchiramkode soklja

Pante Balseng gisikchi                                                      Uandake Chanchijok                                          Dingram Gitok songtangchi.                                             Ua re-angpiltajok.

Songtangode indiba                                                           Uni ma.drang dongjajok                                    Ma.de ma.jong dongoba                                                   U'mang sie bon.tokjok.

Uni gimin chanchijok                                                      Ja.nengtakna songtango,                            Balseng dongnapepajok                                                Songni saksa mandeo.

Songtangona sokangon Songo-noko jangsojok, Sonajingba songtangon Uko knasopajok.

Da ning Balseng unode Dale pante sokaha, Uni bilsi da ode Bilsi chi chet ong aha.

Balseng pante cheng rengreng Pante do mesal gita; Nama da nang roʻrengreng Sakgitchak rita-rita.

Bilko jakko tonaba Dongja songni pantede, Gun-gisikko inoba Sokja uni chasongde.

6