VENICE NI BADINGGIPA (The merchant of Vecine)

 Venice songjinmao saksa Jihudi mande Shylock minggipa dongachim. Ua Kristian badinggiparangna bang'a sudna tangka on'sroe namen man'e cha'beaha. Shylockko pilak namgipa manderangan mitchiachim, maina ua ka'saninggijagipa ka'tong rakgipa mandechim, aro on'srogimin tangkarangko manderangoniko namen dekdo on'bee bi'pilrongachim. Mongsongde, Venice songjinmani Antonio badinggipa pantean uko namnikjabatachim. Shylock Antonioko namen mitchiachim, maina, ua duko ga'akgipa manderangna tangkako indin sud gri srona on'rongachim. Uni gimin mikbokgipa Jihudi mandemung jaksramgipa Antonio pantemung bobil ong'a namen bilongbeachim. Antonio Shylockko tangka sroram biapo gronga changantion, uni sud bang'e ra'ani gimin aro mandeska baksa bakrima namjabeani gimin inrongachim. Shylock mikkangpara jripjrip chakchika dake, gisikosa sriksrik a jak sokna chinge dongaiachim.

Antonio namsranggipa aro ka saninggipa mandechim, aro ka'saanirangko dakna mamungba gisik neng'ani uno dongjachim. Songjinmao dongrimskagipa manderang una namen ka'sabeachim;                                      indiba uni nangrimbatgipa, ka'sabatgipa ripenga Bassanio ong'achim. Bassanioo paani gamko man'rika on'titisanchim, aro dongana bate koros ka'e, uni on'titi gamba bon'srangnasiahachim. Bassanioni tangka am'a changtion Antonio uko dakchaka chim aro indaken iamangko ka'tong rongsa dakrima rongdik diksa diksa  donrima gita nikpilaiachim.

Salsao Bassanio Antoniochi re'bae una aganaha, "Anga angni mikchabegipa me'chik saksako bia ka'na sikachim. Ua namen man'e cha bea; uko kime anga an'tang nokdangko chakatatna sikachim. Ua mejao pagipani siani ja'mano bang'bea a'ako man'rike nokkrom ong'rikaha. Pagipa sagini tangengmitingo anga bisong nokchi rorongon, uni angna mikchaako anga uni mikron niaoniko u'ichongmota. Indiba anga an tangko bina krae dakpana anga tangka dongja. Uni gimin anga nang'oniko tangka hajalgittamko srona sikachim."

Antonio unomiting an tango tangka dongjachim, indiba badingani mal jahasrango gape bakbakan sokbagen ine ka'donge, ua malrango pangchake, tangka bote man'e cha gipa Shylockoniko srona aganaha.

Antonio aro Bassanio sakgnian damsan Shylockchi re'angaha. Antonio, Jihudi tangka hajalgittamko je'sudoba srona on'china bi'aha. Iako knae Shylock gisiktango chanchie an-tangna inaha, "Nang ko anga changsa mangmang changkichono rim'jangjotna man ode, angni chengo mikbuanina algenchim; naa chingni Jihudi jatko mitchia, tangkakoba indin srona on'aia aro badinggiparangni gisepo angko saieba roa.

Nang'ko anga da'al watatode angni ma'chongko sal nigen." Antonio Shylockni aganchakgijako nike aro gisiktango chanchiengako u'ie, tangkana sengnapjae inaha, "Shylock knaama? Tangka srona on genma?" la sing'anina Jihudi aganchakaha, "Antonio, tangka sroram biapo 

na'a angko jringiring angni sud raani gimin saironga; ukoba anga chake dongaia gitok chiksotgipa achak ineba sole roa; aro achakko gita ja ko kimdape studape roa; da'ode angko am'bapaengjok; da'ode, Shylock, tangka srona on'bo ine inbapaengjok. Basakoba achakoara tangka dongama? Basakoba achakara hajal gittam tangkako on na man'ama? Angara ja'sku dipane, jakko chopjole, nangna indine inboma, Ha da nang meja Budbar salo na a angko studapa, achak ine sole roa, ia kunamgipa kattarangna anga nang na tangka srona on'na nanga da'nang!" Antonio aganchakaha, Anga nang'ko indine intaina gitikma? Na'a ia tangkako srona on'genode, ripeng gita on'nabe, indiba bobil gita on'bo, anga chotna man'jaode na'a kusi ong'e dabie ra'bo." Shylock aganchakaha, "Maikai ina, nang ni sole inako anga rasi ra jawa. Nang'ni ripeng dakpanok, nang ni ka saako man'pana. Nang ni nangarangko anga nang'na on'gen, aro angni tangkana anga nang'oniko sud ra'jawa." la ka samike on'anina Antonio aiao inmanaha. Shylock ka'saa dakmikkue, aro Antonioni ka saako man na pilakkon dakaha ine inchina tangka hajalgittamko indin sud ra'gija srona on-gen ine aganaha;

indiba Antonio un baksa saksa ukilchi see un salo tangkako chotpilna man'jaode, Shylockni namnika be'enni je bakonikoba adha seer.

 be'enko ra'ote ra'china ine segrikanio sekalake see on'china aganaha.

Antonio aganaha, "Namnika; ia bond'o anga segen, aro Jihudio ka'saani gapa ine aganchae donggen."

Antonio indake bond sena nangja ine Bassanio inpaachim; indiba Antonio an'tangni mal jahasrang jedakeba tangka chotpilani salna skang srogimin tangkarangna dunani duna bate malrang sokbagen ine bond segen ine inchanha.

Shylock ia jegrikako knae aganaha, "Oh, apa Abraham, mairongpile ia Kristianrangara ka'dongchakgijagipa manderang ong'a 

 An'tangtangni songsul nokripeng baksa dakrimanirangan gipinrangkoba indake ong pagen ine chanchichipata. Bassanio, iako na'a angna aganboching: ua an'tangni salko pe'ode, anga uni sea gita dakeba maiko man'dapgen? Mandeni adha seer be'en, mande saksaoniko raote ra'aniara, do'bok be'en ba matchu be'enna bate gamchatbatjama; uni namnikako ripeng dakpaa inesai, namnikode ra china namnikjaode galchina."

Jihudi pilak ka'sae mangsonganirangko aganoba Bassanio, Antonioko an'tang janggiko onkangpile an'tang a'sel dakjachina aganaha; indiba Antonio, Jihudi kal'akesa dakenga ine chanchie, bond segimino see on'aha.

Bassanioni kimna sikgipa me'chik man'e cha gipara Balmot minggipa songo Venice songjinmani sepango dongachim. Uko Portia mingachim.

Bassanio ripengtangni janggitangko on'kange sroatgipa tangkako man'e Balmotchi Gratianoko rime re'chakatangaha.

Bassanio jik sing'o chu'sokaha. Portia Bassanioko ra'na ku'rachakaha. Bassanio Portiana aganaha, "Angode gam'jin dongpaja; pilak angni rasong chae aganna man'paade iasan anga dal'gipa aro man'e cha'gipa ma chongni mandechim." Portiaba bini gunrangni gimin ka'saaha aro seni gamna mamungba minggija an'tangon chu'onga gita gam dongani gimin an'tangko onata gnangsa aganaha, "Nang na krabatna gita anga an'tangko chang hajalsa silbatatna aro chang hajalchikung man'echa batatna sikachim. Angade skia man'gijagipa, poraia grigipa, sapgijagipa me'chik suri indioba skie ra'na agre bribea ong'kuja. Anga aro angni gnangrang da'o nang'nin ong'tokjok. Mejalosan Bassanio, anga ia nokni nokgipa ong'achim, an tangan an'tangni ranichim, aro ia chakolrangni nokgipa ong'achim, da'o ia nok, jam aro nokkol chakkolrang aro anga an'tangmung ong'jok nang'nin, ang' daldi. Ia pilakkon anga nang na ia jakstem baksa on'a." Indine Bassaniona jakstemko on'e aganaha.

Bassanio an'tang nokdang dongpagija mande, indiba man'e cha'gipa Portiani biko ra'chakahaon, 

Bassanio aiao inmanpile an'tang kusi ong'ako aganna man'japile jada changpilaha, aro jakstemko ra'e pangnaba uko gimaatjawa ine mikchetkangaha.

Portia baksa re'chapgipa me'chik Narissa, aro Bassanioming re'pagipa pante Gratiano, iamang sakgniba, Portiani Bassanioko kimna ku'rachakao dongpaachim Gratianoba Bassanio'o apsan jik kimna on'pachina bi'aha. "Oe, na'a jik man'ode anga namen namnikgen" ine Bassanio aganaha.

Unon Gratiano Portia baksa re'chapgipa me'tra Narissana iara bebema ine sing'aha. "Oe, kakket nang'ni namnikpaode." ine Narissa aganchakaha.

 Portia mamungba jechakgija bia ka'china watataha, aro Bassanio gisik katchae inaha, "Gratiano, chingni bia ka'ani alara, na'simangni bia ka'achi rasong chadapako man'begen."

la chamesa ma'drangni kusi ong'ania Antonioniko chitti ra'bagipa mandeni sokbaachi bon'chongdikatako man'aha. Bassanio Antonioni chittiko poraion uni mikkang rang'san bokdelgapaha. Portia uko re'bae ka'sagipa ripengni siakon seatahakon ine kenchake, mai seatako man'e indita jajrengako man'a uko sing'aha. Bassanio aganchakaha "Portia, ang' ta'ma daldi, kattarang namen namjabea. Angnika saako nang na parakchengon, angni gnang kakket gamko, anga nang na aganman aha; indiba ango gam dongjasrang ine anga nang'na aganna nangachim, maina ango groan gapachim." 

Unon Bassanio an'tangni Antonio'oniko tangka sroako aro Antonioni Jihudi Shylockoniko sroe on'ako aro tangkako ua ua salo chotpilna 

man'jaode adha seer be'enko ra'e ra'china tik ka'ako Portiana agane on'e, Antonioni seat chittiko poraiaha. Ian Antonioni chitti kattarang: "Ka'sara Bassanio, angni mal jahasrang gimikan gimaaha, angni Jihudina see on'a gita anga gimaani ong'aha, aro uko gamanio anga tanggen ine mamungba

 ka'dongani dongjaha. Nang'ko angni siani salo nikna man'osamung; indakoba na'a nang ni katchaaniko dongalnabe. Angna ka'saani nang ko re'bachina ge'etjaode, angni chittiba mol moljachina." Portia aganaha, "Oh, rimil, daldi, pilak kamko matchote re'bo. Ia ka'sagipa ripeng, ang' rimil Bassanioni a'sel kniding dingsakoba gimaatna skang, na'a chang kolgrik batpile chotna tangkako man'gen; nang'ko dam rakbee breani gimin anga nang'na namen ka'sagen." Unon Portia, Bassanioni re'angna skang,

 an'tangni tangkako jakkalna man'na gita, Bassanioko bia ka'na aganaha, aro apsan salo uamang bia ka'aha. Gratianoba Narissako bia ka'aha. Bassanio aro Gratiano bia kare donangmangmangari Venicechi sketbaket re angaha. Antoniokode patok noko donakosa nikeaha. ka

Bassanio tangkako chotahachim, indiba saninggijagipa Jihudi mande chotani sal batahani

gimin tangkako ra'chakjajok aro Antonioni adha seer be'enko dabiajok. la misilgipa groko bichal ka'na Venice songjinmani Duke salko donataha; Bassanio jajrengbee bichalni raikosa nichaksoaiaha.

Portia segipani re'chakato segipana kusi 

ong'bee aganataha aro re'bapilo Antoniokoba rimbajolchina mol'molataha; indiba ua Antoniona maiba a'sel ong'gen ine kenchakatachim, uni gimin ua saksan ongo 

an'tangni segipani ka'sabegipa ripeng Antonioni janggiko jokatna mai cholko dakna man'gen uko chanchiaha. Indioba Portia setang Bassanioko mande ra'na sikahaon; seni u'ibata gisikchi pilak kamon setangna bamgen ine Jikna kra kra kattachi aganaha. Indiba da o seni ripengtangni a'sel ong'an salo, an'tangni bilni gimin mamungba kenchakgijan aro an'tangni bebe aro kakket nikanichi an'tangan Venicechi re:ange Antoniona chake aganna mangsongaha.

Potiani saksa ma'drang Bellario minggipa niam ku'pattigipa dongachim. Ia mandechi Portia a selko janape seataha aro bini chanchiako aro ku'patianiko, ukilni ganding chindingrang baksa watatchina aganataha. Portia maiko dakna nanga uko Bellario chitti see watataha aro pilak nanga ganding chindingrangkoba on ataha.

Portia me'asani ganding chindingko gane ukilni chola ruprupko gandapaha; aro Narissakoba me'asani gananiko ganate kerani gita uko rimangaha, aro joljolari re'ange uamang

Venice songjinmaona bichalni tiktak salo sokeaha. Portia Kacharichina naporgon Veniceni Duke ua groko tiktak bichal ka'sonssiengachim. Portia Dukena Bellarioni seata chittiko omaha. Bellario Dukena indine chitti seataha: "Anga antangan Antoniona dakchakna re'anggenchim, indiba saani gimin angni palo doctor pante Balthaserko (Portiako indine mingaha) Antoniona chel'chakna on pachina mol'mola." la mol'molniko Duke oraha Portia ukilni chola ruprupko gane kotip kadapon, uko namen dingtangnikbeaha, aro Dukede ia mikkang dambe argitalko nike aiso inmanbeaha.

Dao mongsongbatgipa bichalko a'bachengaha. Portia niwilwaloa ka'sachaka grigipa Jihudiko nikaha aro ua Bassaniokoba nikaha, indiba Bassanio Portiako ganding chinding ganje chinjeani gimin urijaha. Bassanio ripengtang Antoniona namen jajrengbee aro kenchakbee chadengengachim.

la jrimgipa kamko jako ra'ania Portiako 

ka'dongataha aro ua kenmangija an'tangni dakna nanggni kamko dakna a'bachengaha. Pilakna skang Portia Shylockchi mikkange aganaha, Shylock Veniceni niam gita, Bondo segiminko dabie rarna man'a ine agane

 ka'sachakani gimin inditan ka:sroke aganaha Shylockni ka'tongna agre, pilakni ka'tongkon nom'atginokchim. Ka:sachakania salgioni mikka gita ga:ake ran'enggipa a'ako chijimata gita ong'achim, aro maikai ka'sachakako man'gisapa mandeko patiachim; aro ka'sachakania Isol an'tangni gun onge mukutrangna baterajarangna krabatachim; aro maikai a'gilsakni bil, kakket dakan baksa, badita ka'sabata inditan Isolni bilona chapchap sepangbatachim; aro an'ching pilakan ka'sachakanina bi'a aro

ua apsan bi'ania an'chingko ka'sachakaniko mesokchina skiachim; jako Shylock gisik ra china Portia mol·molaha; Shylock mamungkoba aganchakgija bondo segiminko rai on chinasa aganchakaiaha. Portia Shylocko sing'aha, "Ua tangkako chotna man'jama?" Unon Bassanio hajal gittam tangkako chotna Jihudina on'aha, indiba Shylock uko jechakaha aro Antonioni 

be'ennasa bi'chaaha. Bassanio niam ka pattigipa panteko niamko on tisa skichape Antonioni janggiko jokatna mangmang krengchina mol'molaha. Portia mikchikkime, "changsa niam dongiminko mamungsaloba dingtangatna man'ja" ine aganaha. Niamko dingtangatna man'ja ine aganako Shylock knahaon, uko an'tangchi chake agana gita nike ua inaha, "Daniel bichalona re'bajok, oh gisik seng'gipa pante, mairongpile anga nang'ko mitela. Gisikchi bribata na'a dambe ong'obani."

Da'o Portia bondo segiminko nina Shylocko bi'aha, aro uko poraie nie ua aganaha, "lano segimin gita on'ani onga, aro iachi Jihudi niam gita Antonioni ka'tongoni sepangbatgipa adha seer be'enko rate ra'na man'a." Unon Portia Shylockna aganaha, Ka'sachakbo, tangkako ra bo, ia segimin bondko chite galginok." Indiba ka'saninggijagipa Shylock mamungba ka'sachakaniko mesokjaha, aro ua inaha, "Ang' janggian sichina darang mandeba angko dingtangatna manja" Portia aganaha, .  

  "Indide, Antonio, nang'ni chelko churina tarina nanga."Antonioni adha seer be'enko ra'otna Shylockni churi wil'engmitingo, Portia Antonioko sing'aha, ",--Na'a maikoba aganani dongama? Antonio kimkime mamungba aganchakani dongja ine aganchakaha. Unon Antonio Bassaniona aganaha, "Hai salam ka'naha, Bassanio an'ching ekgriknaha, "Ia a selo angni garakana angna duk ong'nabe. Angni nang'na ka'saako nang'ni jikgipana aganpabo" Bassanio namen jajrengbee aganchakaha, "Antonio, ango jik donga; ua angna an'tang janggi gita chacha gamchata, indiba janggi asolba, angni jikba aro a' gilsak gimikba nang ni janggina bate angna gamchatbatja. Nang ko jokatna anga mangnamgijagipa Soitanna pilakkon gimaatna nangoba gimaatgnokchim, pilakkon dakna nangoba dakgnokchim."Ka'sagipa me'chik Portia setangni inditan bebegipa ripeng Antoniona indaka raka kattarangchi an'tang 

ka'saaniko aganako knaon mamungba gisiko saa dongjaoba, indiba ua iako knae, aganchakgija dongna man'jaha, "Nang ni jikgipa iano donge, ia kattarangko knaode nang'ko nama ine injawachim."Unon Gratiano, giteltang Bassanioni agana gita, uaba aganpana nanga ine chanchiaha, aro ua Narissani knasokao   aganaha, 'Ango jik donga, una anga ka sara; ia achak Jihudini namgija ka'tongko dingtangatna maiba bilko bi na ang' jikgipa salgio dongosamung." Narissa aganchakaha. "Bini mitin janggilo uko inesa namaijok, ong:jaode na song jiksesa ingrikgnokchim."Da'o Shylock sengnapjae inwataha, "Maina belbelchaenga; dai rare on'bojok."Da'o kachario pilakan an skite nichakanisan, maina sakantini ka'tongan Antoniona dukan gapachim.

Be'en tona tochakani dongama dongja uko Portia sing'aha, aro Jihudina aganaha, Shylock, na'a doctorko man'na nanga, ong:jaode ua marangpake sigen." Antonio marang pake sichina ian Shylockni chong'mot mangsonga ong'achim. Uni gimin Shylock aganchakaha, "Bondo indinede minga dongja."

 Portia aganchakaha, "Bondo indinede minga dongja beben, indiba mai? Mingjajokon namjok, na'a inditan ka'sae dakaha," Iana pilak Shylockni aganchakna man'paade ianchim. "Anga uko nikja ua bondo dongja" Portia aganaha, "Indide Antonioni adha seer be'en nang'nin. Niam uko beng'ja, aro sorkariba kangja. Na'a uni ka tongoniko ia be'enko ra'ote ra:na mana. Niaman on'manjok, sorkariba kangjajok." Da'oba Shylock intaijok, "Oh gisik seng'gipa kakket bichal ka'gipa, Danielan bichalona re'bajok." Unon ua an'tangni ketal ro'gipako wiltaie, Antoniochiko nie aganaha, "Re:ba, taribo."

Portia aganaha, Sengkubo on'tisa, Jihudi, una agreba maiba aganani dongengpiti. Ia bondo iano nang'na an'chi tottaksako on'ja; kattarang chong'motde, "Adha seer be'en." Adha seer       be'enko ra'otanio na'a Kristian an'chi tottaksako ong'atode, nang'ni ara aro gamrang Veniceni sorkarina korok." Dao Shylockna Antonioni an'chiko ong'atgija adha seer be'enko rave ra'na namen namgijani ong'ani gimin, ia Portiani nikaniara, chong'motan, bondo           be'enkosa seaha, an'chikode sejaha ingipa, Antonioni janggiko jokataha; aro ua niam        ku:pattigipa panteni changako aiao inmane, kacharini manderang noksik nokbak bon:e ji jaji ja miteltokaha; aro Gratiano Shylockni agana kattako ja'rike aganaha; "Oh seng:gipa kakket bichal ka'gipa, nibo Jihudi, Daniel bichalona rebaaha."

Shylock an'tangni namgija mangsonganio chu sokatjaha ine nike, mikkang siaha, aro tangkakon ra'gnok ine aganaha aro Antonio jokatako man'ani gimin, Bassanio kusi ong'an gape inaha, "Iakai tangka." Indiba Portia dondikate aganaha, "Ka'sne; adonabe; Jihudi mamungkoba man'jawa, indiba daikosan man aigen. Uni gimin taribo, Shy'lock be'enko 

ra'otna; indiba uibo, an'chi ong'atnabe; ba'adha seerna bate, ba komieba ra'otnabe, on'titi batoba ba komioba, kniding dingsani gita tochakani onchokode ba'tang'doode na'a Veniceni niam gita sina nanga, aro pilaknang'ni gamrang sorkarini korok" Shylock aganaha,"Angni tangkakon on'bo; angara gnok." Bassanio aganaha, "lakai tangka, da'sionin on na tarie dongenga."

Shylock tangkako ra nasiengachim, indiba Portia uko dondikate, aganaha, "Sengkubo, Jihudi, anga nang ni kosako rim'ani dongengpiti. Veniceni niam gita, nang'ni gamrangko, songjinmani mande saksani janggiko masina dakahani gimin, sorkarina korok, aro da'o nang'ni janggi Duk ni 

ka'sachakanio; uni gimin, ja'sku dipane uo kema bi'bo,"Unon Duke Shylockna aganaha, "Chingni Kristianni gisik dingtangako na'a da'o nikna man'gen, anga da'o nang'ko kema ka'a, aro nang'ni janggiko nang:ni bi'na skangan wata; nang'ni gamni baksako Antonio man'china aro bak gipinko sorkarina ong china.

"Unon jaksramgipa Antonio Shylockni gamko, Shylock an'tangni sio, demechik chawarina donangna see onrode, rajawa ine aganaha; maina Shylockni saksa kamkam demechik paani beng'ako manigija Antonioni ripengtang Lorinzo minggipa, saksa Kristian panteko kime, nokdang man'rikaniko gimaataha.Jihudi iako dakna ku'rachakaha. Shylock ajak sokna     man'jae, gam ruako man'e aganaha, "Anga be'en an'sengjaenga. Nokchi regenok; raiko ja'mano watatbo, anga angni gamni baksako ang' demechikna see on'gen." Dukea ganaha, "Re'angbo, indide, ja'mano soi ka'bo; na'a gisik pile Kristian ong'ode, sorkari nang'na jorimana gamni baksakoba kema kare watgen.

"Da'o Duke Antonioko wataha, aro kachariko chipaha. Unon ua niam ku'pattigipa panteni changako aro uianiko namen mitelaha aro nokchina mesal cha'china rimaha. Portia, Balmotchi segipana skang re'sona mangsonge aganchakaha, "Mitelbea anga nang'ko, indiba anga joljol re'na nanga." Bin baksa neng'take mesal cha'na somoi dongja ine Portiani inana Duke duk ong'e aro Antoniochi mikkange aganaha, "Ia mandena maiba on'aniko on'bo, maina angni nikaode na'a una namen gro nanggipa ong'a.'

Da'o Duke aro uni dakchakgiparang kachariko wate re'angtokaha; unon Bassanio Portiana aganaha "Gamchatbegipa mande angni ripeng Antonio aro anga da'asalo nang ni u'ianichi dal begipa arseloni naljokako man'aha, uni gimin ka'sapae Jihudina gro chotna on'gipa tangka hajalgittamko ra'chakpabo." Antonio aganaha, "Aro chinga nang'na ka saanio aro kamo jringjrotna gro nanggipa ong'gen."

Tangkako ra'china Portiako mol'molna man jaha; indiba Bassanioni uko maiba on'anikode ra'china mol'molchaanio ua aganaha, "Nang ni jakni mujarangko angna on'bo, anga uarangko nang ni a'sel gangen." Bassanio jakni mujarangko okoa, Portia an'tangni on'gimin jakstemko Bassanioni jaksio ganengako nikaha Da'o Portia, Bassanioko niktaio, kal'ake rona uoniko in jakstemko man na bi'aha; uni jakni mujarangko bi'ani a'selde ianchim. Jakstemko nike ua aganaha, "Nang'ni ka'sapaode, anga ia jakstemko nang'oniko ra'gen." Niam ku pattigipa Bassanioni on'a man gijagipa mingsakamkamko bi'ani gimin Bassanio namen duk ong'aha, aro gisiko jaja jiji dake, un jakstemkode jiktangni on'a bostu ong'ani gimin, aro uko mamung saloba gimaatjawa ine mikchetkangani gimin, on'na man'jawa ine aganaha indiba Veniceo gamchatbegipa jakstemko ra'e on'gen ine aganaha. Iako knae Portia gisiko saa dakmikaha, aro indine agane kachariko wate re'angaha, "Bi'amgipako maikai aganchakna nanga na'a angna indinesa skiamo."  Antonio aganaha, "On'bo, Bassanio, jakstemko una; angni ka'saa aro uni angna dal begipa kamko dakanian nang'ni jikgipani namnikgijaniko ga'pripchina." Bassanio kratchae on'aha, aro Gratianoko jakstemko Portiachina rikange on'echina watataha; unon Narissa keraniba Gratianona on'gimin jakstemko Gratiano'oniko bi'aha.   Unon ia me'chikrang an'tangtangni gisepo, nokona sokjokon, setangtangko an'tangtangni on'gimin jakstemrangko jawa gipin me'chikna bote gimaata ine potgnok ine chanchie namen ka'dingani ong'beaha. 

Re'bapilon, Portiani gisikrang name kamko dakmanahani gimin katchaachim, uni ka'srokgipa gisikrang ua jeko nika uno kusi ong'aha; teng'enggipa jajongkoba skangna bate ching'bate nikachim, jajong mikka simdapon, Balmoto an'tang noktangoni batini teng'suako nike, uni chanchiarang an'saoe, ua Narissana aganaha, "Hawa bati, an'chingni nikenggipa angni nokdringo ching'enga; badita ua chongipa bati teng'soka, inditan an'chingni nama dakgimin kamko namgijagipa a'gilsako teng'sua." Aro an'tang nokoni gitni ku'rangko knae ua aganaha, "Anga chanchia ua git salona bate, ka'srok ka'srok knatobata."

Da'o Portia aro Narissa nokchi napangaha aro an'tangtangni gandingko gane setangtangni sokbaako nichaksoaha. Bassanio an'tangni ripengtangko rimbae Portiana mesokaha. Portia Antoniona aganan agansrapkuja, riman rimchaksrapkuja, unon uamang noksik kuturio Narissani setang baksa giseengako knaaha. Portia aganaha, "Da'on giseengjok, mai ong a?" Gratiano aganchakaha,"                             Narissani angna on'gipa jakstemni gimin, na'a jakstemo indine katta ma'rape sea gnang, pangna." "Ka'sabo angna, watnabe

"Ua katta ma'rapara ba jakstemni gamchatara maiko mangsonga?" ine Narissa sing'aha. "Anga uko nang'na on'on, na'a uko sijana kingking ripingna angna mitchetaha; aro da'o nava uko ukilni keranina on'jok ine aganenga.              Anga u'ia, na'a:uko gipin me'chikna botjok." Gratiano aganchakaha, 

"la jakchin anga saksa pantena ua jakstemko on'jok inesai, ua me a bi'sara nang'na bate changrobatja; ua dambe pante bi'sara niam ku pattigipani kerani. Ua niam ku:pattigipani jera ra'e changachisan Antonioni janggi jokaijok. Ua bi'sa pante angoniko bi'aha, aro anga uko una on'na jechakna man'jaha." Portia aganaha, "Nang'nin dos, Gratiano, nang'ni jikgipani skanggipa on'aniko rakkigijani.""

Anga ang daldi Bassaniona jakstem kansako on'aha, anga u'ichongmota, ua uko a gilsak gimikna mangba srejawa," "Gratiano da o        an'tangni dosko baljengate aganaha, "Ang gitel Bassanioba an'tang jakstemko niam.                   ku'pattigipana on'ataha, unon uni kerani bi'sa dambeba an'tangni jak seao neng ani gita angni jakstemko bi aha.

"Portia iako knae namen ka'onanga dakmikaha, aro an'tang jakstemko onatana manengbea dakmikaha, aro ua aganaha, "Narissa angna maiko bebe ra'na nanga uko skiaha, anga          u:ichongmota, ua jakstemko saoba me'chikna on'aha." Bassanio an'tangni ka'sagipa jikgipako gisiko saknaatna namen duk ong'aha, aro ua namen bilake aganaha, "Ong'jachongmot, darang me:chiknaba anga uko on jaha indiba niam ku:patigipa doctor, angoniko hajal gittam tangkako jechake, angni jakstemko bi'aha; angni on'na jechakon ua duk ong'e re'angaha. Angara maiko dakgen daldi? Anga an'tangko namjabea gita nike inditan anga kratcha beaha, anga ua jakstemko uni ja manrikrik watataha,

kema ka'bo daldi; na'a an'tangan uano donggenchimode, anga chanchia; na'a angoniko ua jakstemko bi'e, ua mandena on'genchim."

Antonio aganaha, "Ah! Ia pilak gisegrikarangniara angan ja'pang ong jok."Portia Antonioko iani gimin mamungba duk man'jachina mol'molbeaha. Unon Antonio aganaha, "Anga changsao Bassanioni a'sel        an:tang be'entangko on'ahachim, indiba jena nang'ni segipa ua jakstemko on'aha, ua mande griode anga da'o simangnokchim. Anga angni janggiko jamin chaktaigen, nang'ni segipa mamung saloba an'tang kattako pe'taijawaha." Portia aganaha, "Indide na'a una jamin chakgen? Ha, ia jakstemko una on'bo, gipin gita dakgija name ripinge donchina aganbo."

Bassanio ia jakstemko nion, an'tangni on'atgipa jaksteman ine nikaha, aro ua aiao inmanpilaha. Unon Portia una aganaha, "Ua niam.                   ku'pattigipara angan aro keraniara Narissan." Daro Bassanio an'tangni jikgipani ka dongachi aro u'ianichi Antonioni janggiko jokataha ine nikaha.

Portia Antonioko rimchaksotaiaha aro an'tangni jako maibakae ga'ak gipa Antonioni chittirangko una on'aha. Ua chittirang jahasrangni malrangni hisab ong'achim.

 Antonioni jahasrang pilakan gimajok ine chanchichipgipa da'o jahas karamona name sokbatokaha. la gitikgitak gamrang sokbahaon, ia mane chagipa badinggipani pilak a'sel ong'arangko gualtokaha; aro chol joko jakstemni gimin aro jiktangtangko uigijagipa segiparangni gimin agane roe, ka'dingani ong'aha. Aro Gratiano kusi ong'e mikchete, katta marapmarape indine aganaha,

" Narissan' jakstemko ripingnan

 Kenbata anga  pangnan".

********************************************************************************************